Vacacións na Costa da Morte: Actividades que non debes perder

Vacacións na Costa da Morte: Actividades que non debes perder

Presentámosche algunhas das actividades que Costa da Morte garda para ti

A Costa da Morte non só é un destino ideal para poder gozar de marabillosas vistas, praias ou, mesmo, descubrir as lendas máis espectaculares. Tamén é un destino perfecto para poder realizar todo tipo de actividades de aventura e en familia. Se no seu día contámosvos como podedes gozar de Costa da Morte nunha viaxe con nenos, agora chega o momento de sacar á luz o voso lado máis aventureiro.

Con intención de que as vosas vacacións non se limiten a facer un pouco de turismo, senón de crear grandes recordos, imos detallar algunhas das actividades que podedes realizar en Costa da Morte. Por suposto, estas propostas podedes contratalas connosco, podendo deste xeito gozar dalgúns dos grandes secretos que garda Costa da Morte desde a perspectiva dos que mellor coñecemos este lugar.

Goza de actividades acuáticas para os máis aventureiros


Un dos puntos que por suposto máis destacan desta máxica terra é a auga e as actividades relacionadas con esta. Despois de todo, atopámonos coa protagonista de todo tipo de lendas e de belas paisaxes en contornas rodeadas pola auga. Así é que, se queres sacar a relucir o teu lado máis aventureiro, actividades como o surf ou o piragüismo non poden faltar na túa lista.

Pero se realmente queres sacar a relucir a túa versión máis atrevida, entón quizais o que realmente che interese sexa o skimboard, a versión máis extrema dos deportes acuáticos e unha actividade que poderás aprender connosco. Ademais, dámosche a oportunidade de gozar de infinidade de cursos como piragüismo. Que estás a desexar coñecer un pouco máis de preto o río Anllóns? Entón esta é a ocasión perfecta.

Por suposto, tamén hai outras moitas actividades que che levarán a distintos destinos. Un dos máis atractivos atópanse nos cruceiros. O motivo disto? É a forma perfecta de chegar a novos destinos, como son as Illas Sisargas, lugar ao que unicamente se pode acceder mediante un cruceiro ou con embarcación privada.

Percorrendo A Costa da Morte a pé


Se en lugar de gozar das actividades no mar e río, prefires percorrer a pé o lugar, entón non hai nada mellor que coñecer Costa da Morte nos seus distintos roteiros. Aínda que o Camiño dos Faros por Bergantiños é un dos máis atractivos, esta terra garda todo tipo de recunchos con encanto. Por unha banda podes gozar das marabillas presentes de Cabana a Valarés, unha escapada que che levará desde o noso albergue, atravesando por Monte Branco e finalmente chegando a  Valarés.

A historia tamén xoga un gran papel neste lugar e é que é posible gozar dun roteiro na que coñecerás tres dos puntos máis destacados da zona, como Rego dos Muíños e mesmo o Castro de Borneiro. Unha viaxe espectacular para aqueles que gozan coñecendo un pouco máis do pasado da zona e as marabillas que oculta.

Actividades que gustarán a pequenos e adultos


Por suposto, chega o momento de que o xogo sexa o gran protagonista das actividades. Aínda que o deporte e mesmo unha boa camiñada poden ser actividades realmente divertidas, en Costa da Morte tamén hai unha serie de xogos que poder realizar en familia ou con amigos. Un claro exemplo deste último pode ser poñer a proba a nosa habilidade co paintball en zonas preparadas e onde os reflexos son clave.

Se o que prefires é gozar de belas perspectivas, entón encantaranche os deportes urbanos e mesmo o  running. Estas son actividades que teñen o seu espazo privilexiado na zona e onde, por suposto, merece a pena tomarse un momento para gozar en boa compañía.

Por suposto, non esquecemos aos máis pequenos e é que, que hai mellor que aprender un pouco dos xogos tradicionais da zona? Esta é unha das actividades que poderás atopar no noso programa  Xoga e onde, por suposto, estaremos encantados de ofrecerche as mellores doses de diversión.